I lo break a ni emaw anin a lo break che emaw pawh lo ni se, na tuarna zawk hi kan awm thin a. A bik takin hmeichhia an nih avang he post hi hmeichhia bik tak liau liau a ni. Uluk takin lo chhiar la, hlawkpui lo tum ngei la, i thinlung keh chu siam that lo tum leh hram hram ang che.
1. Engkim a tha vek ang.
In in break tak avang khan inti lungngai duh suh la. Nangmah inhriatchianna hunah (More 'me-time') ah ngaiin, i thil nuam tih zawngte kha zalen takin ti rawh.
2. Hun kal tawh ani, theihnghilh rawh.
Nun hluia chen reng hian thil thar engmah hmuh tur a awm lova. I ex khan rawn 'renew' a lo tum che chuan thil hlui bak sawi tur a nia miah lovang. Mihring hi hmalam pana kal zel tur kan nih avangin, thil dik tak chu ti rawh.
3. In thlalak dunna delete rawh.
Theihnghilh i duh tak tak anih ngai chuan, in thlalak dunna chauh ni lo, inthil tih dun, siam dun, ziah dun, engkim amah i hriat chhuah theihna tur kha dah bo la, zawn hmuh tum tawh suh ang che.
4. I thiante sawm rawh.
Inngaihzawnna aia daih rei zawk chu inthian thatna hi a ni. I thian tha ber berte bia la, inkawm ula, i harsatnate leh lungngaihnate zawng zawng hrilh la, i zang hawk hawk mai ang. Khawi hmunah emaw niah te kal ula, thil tih ho puiah sawm rawh. Thiante ang renga hlu an awm lo.
5. Girl-time hmang rawh.
Hmeichhe nuam tih zawng, hair cut, nail polish hnawihte, facial, shopping, body massage, hot bath etc. tam tak ilo chak tawh kha thawveng tak leh lungkham nei miah lo khan ti teh le.
6. Pathian rawn rawh.
Khawvela mi rawn tlak ber leh thurawn pe tha thei ber chu Pathian hi a ni. I mamawh anih phawt chuan a inhawng reng a, i lungngaihnate hrilh la, tuna i dinhmun hrehawm tak kha sutlang thei turin chakna dil ang che. Bible chhiar hi a tha duh phian a nia.
7. I chhungte bulah hun hmang tam rawh.
Amah i loh ngaih deuh chang chuan, i chhungte bulah awm tlat la, be bawrh bawrh la, hei hian nangma tan rilru lama damna a thlen anga, i chhungte nena in in laichinna a that phah bawk dawn a ni.
