Aloe Vera, vun tana a thatna

Aloe Vera han tih hian sawi thui vak a ngai lova. Mitin mai hian kan vun a tan a tha tih kan hre theuh awm e. Kangahte pawh kan hnawih a, a thatna tak hre chiang lo hian i lo hnawih ve char char a ni mai thei. He post-ah hian a thatna kan rawn sawi dawn a ni. Aloe Vera hi vun chauh nilo, samah te leh kan taksa peng hrang hrang tan hian a tha em em a. Mahse tun tumah hi chuan vun lama a thatna chauh ilo thlir ta ilang. A thatna te chu ~

1. Vun chuar a veng thei

Mihring kan tar hian kan vun hi alo chuar ve zel a, mahse thil dang vangte pawn kum naupangteah vun a lo chuar ve thin a. Aloe Vera hian vun chuar a lo veng ve thei a ni.

 

Engtin?

I kumte a lo tam a, i lo upat khan, i vun kha a lo ro ve zel a, vun a pawhmarna (elasticity) kha alo hniam ve tial tial a, hei vang hian wrinkles kan tih te alo awm ta thin a ni. Aloe Vera hian i vun alo ti hnawng (moisturize) a, vun ro vengin, cells thi tawh te a lo tifai thin a ni.

2. I vun ati hnawm (moisture)

Aloe Vera gel hi mi tam takin, an vun tih hnawm nan an lo hmang thin a. Vun mawm leh ar ngeng nei hma tan a tha em em a ni. 

 

Engtin?

Aloe Vera hian vuna tui ril (Water content) a ti tam a, a lo tihnawm ve reng thei a ni. 

3. Arngeng leh vun bal a veng

Aloe Vera hian arngeng/hmai bawl (acne) a vengin a tidam thei bawk a, blemishes (vun bal/chhia) a rawn ti eng thei a ni.

 

Engtin? 

Aloe Vera hian bacteria a that thei a, tin anti-inflammatory a ni bawk. Cells thar a chak takin a siam tir a. Hei hian arngeng a veng thei a ni.

 

 4. Sunburn a vengin, a tidam thei

Aloe Vera hi kang lama a that ang bawkin Sunburn (ni sat vanga vuna natna chi khat) a ti zia awm thei a, a veng tel nghal thei a ni.

 

Engtin? 

Ni zungin a rawn chhun vanga vun lo sen thin chu a ti reh a, a lo ti mam thin a ni.

5. Rannung seh leh pilhah

Rannung seh chi hrang hrangah hnawih a tha a, tin pilh leh eng ilo vel laka pawh a tha a ni.

 

  Heng Aloe Vera thatna ka rawn tarlan tak ang hian, Aloe Vera in lamah in lo nei ve te a nih chuan, lo hmang thin turin ka sawm a che u.